Мектеп туралы

Біздің мектебіміз 2002 жылы құрылған. Бүгінгі күнге дейінгі жұмыс кезеңі ішінде кәсіпорын бір-неше қайта құрылудан өтті. Астана қаласы әкімінің 2017 жылғы 09 қаңтардағы № 112-43 Қаулысына сәйкес Астана қаласы әкімдігінің « № 5 Балалар мен жасөспірімдердің мамандандырылған олимпиадалық резерв спорт мектебі» МКҚК спорт түрлері бойынша  Астана қаласы әкімдігінің « № 5 Балалар мен жасөспірімдердің мамандандырылған олимпиадалық резерв спорт мектебі» КММ болып қайта құрылды.

Мектепте  4 бөлімше бар – баскетбол (қыз және ер балалар), қол добы (қыз және ер балалар), волейбол (қыз және ер балалар) және регби (қыз және ер балалар)

Мекеменің жұмыс мерзімінде 100-ден астам шәкіртіміз «Спорт шебері» атағын алды, 500-ден астам спортшыларымызға «Спорт шеберлігіне кандидат» атағы берілді, 600-ден астам оқушыларымызға І-ші спорттық дәрежесі және 1000 жуық оқушыларымызға бұқаралық дәреже берілді.

Жыл сайын мектептің 20-25 оқушысы Астана қаласының құрама командасының мүшелері болып танылады.

Құрылған күннен бастап бүгінгі күнге дейін әр олимпиадалық кезеңге мектеп өзінің олимпиадалық мәртебесін растап келеді, яғни мектеп «мамандандырылған олимпиадалық резерв мектебі» деп аталады. 

Мекеме басшысы – Тлегенов Қуат Еспенович